Psa 14 | TwiNAK | STEP | Nkwaseafo ka wɔ wɔn koma mu se, “Onyankopɔn bi nni hɔ.” Wɔn nyinaa yɛ atorofo na wɔayɛ bɔne akɛseakɛse; na wɔn mu baako mpo nyɛ papa.

Psalms 14

Nnipa amumɔyɛ

1 Nkwaseafo ka wɔ wɔn koma mu se, “Onyankopɔn bi nni hɔ.” Wɔn nyinaa yɛ atorofo na wɔayɛ bɔne akɛseakɛse; na wɔn mu baako mpo nyɛ papa.
2 Awurade wɔ soro hwɛ adasamma mu sɛ obehu onyansafo a ɔsom no wɔ wɔn mu anaa.
3 Nanso wɔn nyinaa afom; wɔn nyinaa bɔne yɛ pɛ.
Wɔn mu baako mpo nyɛ nea ɛteɛ; ɔbaako mpo nni hɔ.
4 Awurade bisa se, “Enti wonnim?
Saa nnebɔneyɛfo yi kyerɛ sɛ wonnim nea wɔreyɛ?
Wɔbɔ me nkurɔfo korɔn na wɔtena ase nanso wɔmfɛre me.”
5 Nanso wɔbɛbɔ wɔn hu efisɛ,
Onyankopɔn te wɔn a wotie no mu.
6 Nnebɔneyɛfo sɛe ɔhobrɛasefo nhyehyɛe, nanso Awurade ne ne guankɔbea.
7 Mebɔ mpae sɛ, nkonim befi Sion aba Israel.
Sɛ Awurade bɛsan agye Israel bio a, anka wɔn ani begye yiye.